عالصبحية | إحكيلنا موقف كوميدى حصلك مع خروف العيد؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الثلاثاء، للحديث عن مواقفنا الكوميدية مع خروف العيد.

وجاءت مشاركات المستمعين، كالتالى: "أخويا الصغير بيخاف من الدم وقت الضحية وقف بره بنات عمى جريوا وراه بالكوارع والراس جرى فى الشارع، جدتى من كام سنة كانت جايبة خروف مجنون وبقرون كبيرة وحطينه فوق السطح ومكنش مربوط كنت بطلع أدايقه أنا وولاد عمتى فكان بيجرى ورانا عشان ينطحنا ونقوم نطين على المنور، كان عندنا خروف من كام سنة كده يعنى الحمد لله ماسبش حد إلا وخبطه بدماغه وأنا واحد منهم وبرغم كده وقت العيد وهو بيتدبح كان صعبان عليا قوى، بيصعبوا عليا تخيلى نفسك بتدبحى وتتسلخى وتتعلقى وتتقطعى وآخرك فى شوال كده".

وأضاف آخرون: "مش هنسى السنة اللى فاتت الجدى نزل نطح بقرونه فى كل اللى فى البيت وطلع يجرى على السلم ونطيت وراه نزلت راكب على ضهره وخدت السلم أنا وهو زحف على وشنا، أغرب موقف حصل معايا وبسببه بقيت أخاف من الخرفان كان فى خروف فى السطح اللى قدامنا والنور كان قاطع وعنيه فضلت تنور نمت وياريتنى ما نمت فضلت أحلم بكوابيس بسببه، كان فى عندنا مرة خروف كنت بحب ألعب معاه جدا وكنت أول ما أدخل عليه يجرى عليا علشان يلعب معايا جه يوم العيد الصبح ووقت الأضحية كل ما يحاولوا يمسكوه يهرب منهم فنادوا عليا أول ما دخلت عليه جرى عليا حسيت إنه بيقولى إلحقنى منهم".