يوسف والبطولة

روت الإعلامية سناء منصور فى فقرة "حدوتة ملتوتة"، ضمن برنامج "عالصبحية"، المذاع عبر موجات الراديو 9090، اليوم الثلاثاء، حدوتة "يوسف والبطولة".

وقالت ماما سناء: "كان فى ولد اسمه يوسف كان بيلعب كارتيه وكانت مواعيده مظبوطة وعمره ما يوم غاب عن التدريب، وكان والده مبسوط منه وكان نفسه يحقق نجاح ويجيب بطولة عشان والده وأصحابه يفتخروا بيه، وفى يوم يوسف قابل حسن صاحبه اللى كان مسافر".

أضافت: "وكان حسن صاحب يوسف جايب معاه بلاى استيشن، ويوسف كان بيروح يلعب معاه ويتأخر عنده، ويتأخر عن التدريب وفضل كده لحد قرب بطولة الجمهورية، والكابتن قاله إنه مش هيشارك فى البطولة لأنه بقى مهمل وبيتأخر عن التدريب كتير، يوسف زعل وحس إن حلمه بيضيع، رجع ينتظم فى التدريب وبطل يلعب بلاى استيشن، بقى هايل ورجع تانى لمستواه وفاز بميدالية ذهبية فى بطولة الجمهورية للكارتيه"