عالصبحية | إيه ذكرياتك مع جدك وجدتك؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الإثنين، للحديث عن الذكريات مع الجد والجدة.

وجاءت مشاركات المستمعين، كالتالى: "3 ماتوا قبل ماما وبابا ما يتجوزوا وواحدة بنرجع من عندها محتاجين دكتور رجيم، الأجداد دول كانوا الحنية والطيبة والحاجات الحلوة كلها فعلا المثل اللى هو أعز من الولد ولد الولد، للأسف مفيش ذكريات لأنهم توفوا كلهم وأنا صغير، قضيت معاهم أحلى أيام حياتى أصحى الصبح براحتى وألقى جدتى مجهزة فطار ملوكى بتاع الفلاحين اللبن والقشطة العيش الفلاحى والجبنة القديمة، الأمثال الجميلة والتربية اللى مفيش منها وإحنا للأسف مش عارفين ننقل الرسالة إلى أولادنا، ‏جدتى‏ ‏أم‏ ‏والدى‏ ‏الله‏ ‏يرحمها ‏كانت‏ ‏بتحبنى‏ ‏جدا ‏وأنا‏ ‏كمان‏ ‏‏‏لدرجة‏ ‏إنها‏ ‏كانت‏ ‏بتتخانق‏ ‏مع‏ ‏والدى‏ ‏علشانى‏ ‏حتى‏ ‏لو‏ ‏أنا‏ ‏غلطان،‏ ذكرياتى مع جدى كانت تتلخص فى المشاوير والحواديت، جدى الله يرحمه كان كل يوم أول ما أروح له الصبح كان يبعتنى أجيب له الجورنال ولما أرجعله به يدينى جنيه عملت ثروة ساعتها من الموضوع ده".