عالصبحية | إيه ذكرياتكم مع أول يوم مدرسة؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الأحد، للحديث عن ذكريات أول يوم دراسة.

وجاءت مشاركات المستمعين، كالتالى: "أول يوم دراسة يوم المشاكل الكبيرة كل أم جايبه أولادها وعايزه تقعدهم أول حد فى الصف، أول يوم مدرسة ده كنت مبسوط قوى وصاحى من بدرى والكلام ده وبعد أسبوعين تلاتة ابتديت أزهق فبقى عادى، أختى اللى ودتنى هى وصحبتها، أول يوم دراسة بتكون المريلة واسعة وتخلى الواحد عامل زى الفيل، أول يوم مدرسة بفضل أخبط فى العيال فى الشارع من كترهم، مبلاقيش مواصلات ولو لقينا الباص بتاع الشغل بيجى متأخر نصف ساعة، أول يوم مدرسة كان خناقات الدكة الأولى، كان يوم جميل لأنه الواحد بيبقى فرحان باللبس الجديد والكوشتى الجديد، مشكلة المشاكل إنى مش هعرف أروح شغلى وبروح متأخر بسبب المدارس وزحمة المواصلات، أول يوم مدرسة الجزمة كانت ضيقة عليا ومكنتش عارف أمشى وكمان دخل فيها رمل قلعتها خالص وسيبتها في الديسك".