عالصبحية | شايفين ساعات العمل المفروض تبقى كام ساعة؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الثلاثاء، للحديث عن دراسة بريطانية تقول إن ساعات العمل يجب ألا تتجاوز 3 ساعات.

وجاءت مشاركات المستمعين، كالتالى: "ياريت يبقى 5 ساعات فقط، أنا عن نفسى بشتغل 14 ساعة فى اليوم، إحنا بنشتغل من 8 الصبح للساعة 5 مساء، أنا بشتغل 12 ساعة فى اليوم من أكتر من 20 سنة وعندى 43 سنة دلوقتى، أنا شايف إن 8 ساعات أكتر حاجة مناسبة للمصريين بس المشكلة مش فى عدد الساعات المشكلة فى الإنتاجية بتاعة كل واحد فينا، أنا شايف إن الشغل عدد ساعاته لا تتجاوز الـ 5 ساعات ويكونوا فى البيت وكل واحد يشتغل اللى بيحبه، كفايا علينا 6 ساعات فقط، إحنا عندنا عمالة مقنعة ومفيش ضمير لو الناس هتشتغل الـ3 ساعات دول بإخلاص مكنش الحال بقى تعبان للدرجة اللى وصلنالها، مش مهم كام ساعة المهم الموظف يراعى ربنا فى شغله وميعطلش مصالح الناس، أنا مهندس بترول شغلى بعمله فى البحر وده بيكون المفروض 12 ساعة شغل فى اليوم وده بيصفصف طبعا على من 1 4 لـ16 ساعة أنا شايف إن 8 ساعات شغل مش وحش بصراحة، مش المهم ساعات العمل المهم الضمير فى العمل ما ممكن ساعات العمل تبقى اليوم كله وإحنا عندنا أساتذة فى تضيع الوقت المهم الإنتاج هقدر أنتج أد إيه فى وقت أد إيه، وزارة التخطيط عاملة نظام جديد 3 أيام شغل 12 ساعة و4 أيام راحة، ربع ساعة و5 ساعات بريك".