El Radio 9090 FM
#
عالصبحية| إيه أشهر الأسطوانات اللى الرجالة والستات بيشتغلوا بيها بعض؟

عالصبحية| إيه أشهر الأسطوانات اللى الرجالة والستات بيشتغلوا بيها بعض؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الإثنين، للحديث عن "أشهر الأسطوانات اللى الرجالة والستات بيشتغلوا بيها بعض".

وجاءت تعليقات المستمعين كالتالى: "المرأة ده أنا كنت مدلعة فى بيت أبويا والراجل يقطع الجواز واليوم اللى فكرت أتجوز فيه، البنات إنت مبقتش بتحبنى عشان حضرتك تهتم يا جبلة والشباب مفيش مش لاقى إحنا غلابة وطيبيين أصلا، هو فى اشتغالة أحسن من أيام الخطوبة كل واحد عمال يغنى على التانى ويبروز نفسه فى أجمل صورة فتلاقى طبعا الرد بيكون إنتى أو إنت نعمة كبيرة عليا وربنا يقدرنى وأسعدك وبعد أول شهر جواز بتلاقى البلح طرح، أعرف واحد الله يرحمه رحمة واسعة كل ما يزعل من زوجته يشغلها أم كلثوم أغنية أروح لمين، مع أول مشكلة الست تقول أنا اللى غلطانة كان متقدملى مايكل جاكسون وأنا اللى موافقتش ومتعرفش إن مايكل مات وشبع موت والراجل يقول كانت مارلين مونرو تتمنى نظره منى وأنا اللى كنت منفضلها وميعرفش إن مارلين ماتت من زمان، الستات دايما بيقولوا أنا مش قدرة أشيل شغل البيت لوحدى وتعال شوف عيالك بيعملوا إيه أما الرجالة ما فيش فلوس تكفى يعنى أقطع نفسى وأجيبلكم منين، أشهر أسطوانات الرجالة أصلى مفيش فلوس والعربية عطلانة معلش اتزتقت فى الشغل والله الطريق كان وحش الستات بقى أنا معرفش حاجة عن الموضوع ده وهى عندها تفاصيل التفاصيل وانا اتقدملى ظابط وطيار وكائن فضائى كمان، الأسطوانة بتاعة كل يوم بالنسبة للست العيال وتربيتهم وشغل البيت أما الراجل معروفة تعبان من الشغل وعايز أريح".