عالصبحية| الصداقة بتتقاس بالوقت اللى بنقضيه سوا ولا بالمواقف؟
خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الإثنين، للحديث عن الصداقة ووجهة نظرنا تجاهها.
وجاءت تعليقات المستمعين كالتالى: "الصداقة أكيد بالمواقف طبعا، بالمواقف طبعا، الصداقة بتتقاس بالمواقف الجامدة اللى بتمر على الواحد ساعتها الواحد بيشوف مين اللى وقف معاه ومين اللى خذله، المواقف هى اللى بتخلينا نقيم الصحاب مفيش كلام، الطبيعى إننا نقول الصداقة بالمواقف بس أنا بالنسبة ليا بالوقت اللى بيقضيه الأصحاب مع بعض لأن طول ما الأصحاب بيخرجوا وبيقعدوا مع بعض هتلاقيهم برضه فى المواقف مع بعض قبل أى حد جاى يعمل الواجب ويمشى، أنا شايف إنه الاتنين الصراحة، الصداقة رزق بجد ربنا يرزق الواحد بصحاب كويسين دى نعمة كبيرة، الوقت عامل مهم فى الصداقة لكن المواقف هى اللى بتبنى الثقة بين الأصدقاء، بتتقاس بمين اللى وقف جمبك وقت الشدة مين سندك ومين اللى باعك ومهموش دموعك وﻻ وجع قلبك".
