عالصبحية | إحنا ليه بنتخن فى الشتا؟

خصصت الإعلامية فاطمة مصطفى، الفقرة الأولى من برنامجها "عالصبحية"، المذاع على الراديو 9090، اليوم الإثنين، للحديث عن سبب زيادة وزننا فى فصل الشتاء.

 وجاءت تعليقات القراء كالتالى: "الحمد لله مبنتخنش فى الشتا ولا حاجة عشان بنعرف ننظم أكلنا، الكلام ده غلط خالص كل أكل الشتاء دايت شربة عدس بالسمن أو كوارع أو طواجن أو شوكولاتة، أنا والله ما فارق معايا شتا ولا صيف وسبحان الله وزنى ثابت، إحنا بنتخن فى الشتا عشان فى سحلب وبطاطا وكل ما نحس إننا سقعانين ناكل على أساس الأكل هيدفينا، بنتخن من الكسل والكاكاو باللبن، علشان إحنا بناكل ومش بنتحرك فى الشتاء كتير ولا بنخرج ولا أى حاجة بس من السرير للأكل، ثقافة المجتمع بعاداته الخاطئة من أكل وقلة حركة والنوم الطويل وخصوصا ليل الشتا طوووويل، علشان فى أكل بس مفيش حرق الدهون الزيادة، عشان بناكل وننام، أنا صيف شتا زى ما أنا مفيش حاجة بتتغير، متهيألى بنحاول نعوض شعورنا بالسقعة عن طريق الأكل".