El Radio 9090 FM
#
إبراهيم فايق: أزمة نادى الزمالك مش فى إيهاب جلال

إبراهيم فايق: أزمة نادى الزمالك مش فى إيهاب جلال

علق الإعلامى إبراهيم فايق، على الأزمة التى يعيشها نادى الزمالك فى الوقت الحالى، بعد هزيمة نادى مصر المقاصة، واستقالة المدير الفنى إيهاب جلال.

وقال فايق عبر برنامج "ملعب 9090"، المذاع عبر راديو 9090 "أوعى تفتكر إن أزمة نادى الزمالك وليدة الصدفة، أو فى اللاعبين، أو حتى فى المدير الفنى".

وتابع: "مشكلة الزمالك مش فى إيهاب جلال، دى سياسات خاطئة من مجلس الإدارة، الكورة محتاجة تخطيط ومجهود، وأقرب مثال على ذلك ألمانيا، اللى وضعت سياسات لسنوات وقدرت تاخد كأس العالم وبطولة الشباب وبعدها كأس القارات".

وقال فايق "حزين جدا للى بيحصل فى الزمالك، الكرة حتى لو مشيت عكس المنطق لفترة مش هتستمر طول الوقت كده".

وأضاف "النتايج لا يتحملها إيهاب جلال وحده او اللاعيبه وحدها.دى نتيجة تراكمات تغيير مدربين و١٨ لعيب كل موسم. عايز تفهم بتكلم فى ايه بص ع تجربة الأهلى بيضيف ع المجموعة قديمة عدد قليل مع مدرب ثابت".