El Radio 9090 FM
#
الراديو بيضحك | عائشة بن أحمد لفاطمة مصطفى: تونس فخورة بهند صبرى

الراديو بيضحك | عائشة بن أحمد لفاطمة مصطفى: تونس فخورة بهند صبرى

عبرت الفنانة التونسية عائشة بن أحمد عن سعادتها بعد حصول الفنانة هند صبرى على جائزة أفضل ممثلة فى مهرجان الجونة السينمائى.

وأضافت عائشة، فى لقائها ببرنامج "الراديو بيضحك"، تقديم الإعلامية فاطمة مصطفى، عبر الراديو 9090: "أنا فخورة جدا بهند صبرى، ومش سهل اللى عملته خصوصا أنها بدأت فى مصر وهى عندها 19 سنة، وهو سن المراهقة وده صعب جدا، ولكنها قررت تيجى مصر واتغربت عن بلدها، فأنا بحييها على اللى وصلتله وتونس كمان فخورة بيها".

وأكدت عائشة أن علاقتها بزملائها فى الوسط الفنى جيدة جدا، ولكن ليس لديها الكثير من الأصدقاء من النجوم.

وأضافت عائشة: "عندى أصدقاء فنانين فى تونس أكتر وده شئ طبيعى، أنا مش فى بلدى ولسه مش عارفة الناس هنا كويس، وكان صعب إنى اندمج كده بسهولة فى الأول".

وعن علاقتها بالسوشيال ميديا قالت: "أنا بالنسبة لى مواقع التواصل الاجتماعى لها هدف، يعنى لما أجى أنزل حاجة بقول إيه الهدف من الصورة دى، أو من البوست أو الكلمة اللى هاكتبها، وماينفعش انزل صورة علشان بس الناس تشوفنى".

عائشة بن أحمد

عائشة بن أحمد

وأضافت عائشة: "حلو لما يبقى فيه ريد كاربت وفساتين حلوة، بس لازم مننساش إن دى مهرجانات سينما، يعنى مثلا مهرجان الجونة بيتعرض فيه أفلام حلوة جدا ومهمة، والناس لازم تهتم شوية بالجزء الفنى والثقافى فى المهرجانات، ومش كل حاجة الفساتين".