El Radio 9090 FM
#
الراديو بيضحك.. نضال الشافعى فى أول ظهور له بعد الأزمة الصحية

الراديو بيضحك.. نضال الشافعى فى أول ظهور له بعد الأزمة الصحية

استضافت الإعلامية فاطمة مصطفى، فى برنامجها "الراديو بيضحك" المذاع على الراديو 9090، الفنان نضال الشافعى، عصر اليوم الخميس.

ظهور نضال هو الأول له إعلاميا بعد أزمته الصحية الأخيرة، وأوضح أن حالته فى تحسن، موجها الشكر لكل من سأل عنه خلال هذه الأزمة.

وأوضح نضال سبب الوعكة الصحية قائلا: "أنا لما بتنرفز مابعرفش أطلع اللى جوايا، وكنت فى عمل فنى وللأسف كان فيه تقصير والناس ماكنتش مظبوطة فى وعودها معايا، وكنت بغلى من جوايا بسبب ظروف خاصة بالإنتاج، وحصلى مشكلة فى القولون ولولا ستر ربنا كان حصل حاجة تانية أكبر من اللى حصلى، والدكتور قالى اللى حصل معاك ده معجزة من ربنا".

وأضاف: "كان فيه حاجة إيجابية طلعت بيها من الأزمة، هو إنى اكتشفت غلاوتى عند الناس اللى كانوا بيدعولى أو موجودين على باب المستشفى علشان يطمنوا عليا".