El Radio 9090 FM
#
ملعب 9090.. موسيمانى بيدافع عن صفقاته لأنه اختارهم

ملعب 9090.. موسيمانى بيدافع عن صفقاته لأنه اختارهم

علق الإعلامى إبراهيم فايق على غضب الجنوب إفريقى بيتسو موسيمانى، المدير الفنى للأهلى، خلال المؤتمر الصحفى لمباراة غزل لمحلة التى انتهت بفوز الأحمر بثلاثة أهداف مقابل هدفين للفلاحين، ضمن منافسات الجولة الخامسة من بطولة الدورى.

وقال فايق، عبر برنامجه الإذاعى "ملعب 9090" على الراديو 9090 اليوم الثلاثاء، "موسيمانى اتعصب لما اتسأل عن ميكيسونى، واللى سأل قال إنه لاعب سيئ، وحسيت إنه شعر بأنه يميز بين لاعبى الفريق".

وأضاف: "دي كلمه مؤثرة جدًا، هو بيدافع عن صفقاته ولاعبيه الجدد، دول لاعبين جابهم بإيده، لما يتقال إن حد فيهم سيئ دا كلام يعصب جدًا".

وتابع: "الموضوع لا يستدعى هذه العصبية، إنت كسبان مينفعش تعمل كده، إنت كسبت كل الفرق اللي قابلتها، ولكن من الطبيعى لما أكسب الزمالك 5، وأكسب الإسماعيلى 4، مينفعش يتقالى إنت ليه تخليت عن المكسب".

واختتم: "موسيمانى بيسأل نفسه، امتى هاجى مؤتمر صحفى وأنا كسبان ماتش وأخد حقى، نوعية الأسئلة صعبة، لما أكسب لازم أتسأل إزاى عملت؟"