El Radio 9090 FM
#
اقنعنى واقنعك.. الإجازة الزوجية وكسر روتين الحياة

اقنعنى واقنعك.. الإجازة الزوجية وكسر روتين الحياة

أذاعت الإعلامية أسماء يوسف، اليوم الخميس، حلقة جديدة من برنامج "اقنعنى وأقنعك" المذاع على الراديو 9090.

وتحدثت أسماء يوسف، عن فكرة الإجارة الزوجية بمعنى أن يحصل الزوج والزوجة على فترة يبتعدوا فيها عن بعضهم البعض من أجل كسر روتين الحياة اليومية وتحريك المياه الراكدة فى العلاقة الزوجية، الأمر الذى يعزز من قيمتها ويجعلها ضرورة، فهى بمثابة فرصة لاستعادة المشاعر وليس إطفائها.

وقالت أسماء يوسف، فى فقرة "كلمة ورد غطاها": "احنا بتكلم فى كام يوم أو أسبوع بالكتير، تبعدوا عن التشاحن ومشاكل البيت والعيال، وكل واحد يفضى دماغه سواء هيكون مع أصحابكم أو أهلكم، المهم تعملوا كده زى ما بيقولوا فصل للقوات أو هدنة من المشاحنات، بس من غير ما حد فيكم يخرق هذه الهدنة بالشكوك لأن لو حصل ده هتبقى مصدر دائم للمشاكل وده اللى مش عاوزين نعمله، إننا ناخد أجازة علشان نرجع متخانقين ومتضايقين".

وأضافت: "مينفعش تتصلى عليه كل شوية انت فين وبتعمل إيه، وبرضه مينفعش تتصل عليها كل شوية وتقولها إنتى قافلة تليفونك ليه وبتعملى إيه، لأن الهدف من الأجازة الزوجية إنكم ترجعوا مشتاقين لبعض وحابين بعض أكتر، ويبقى عندكم نفس تبدأوا حياة زوجية جديدة، بتجددوا جوازكم".