El Radio 9090 FM
#
كلمتين بالنص ..الفرق بين الأب والأم زمان ودلوقتى

كلمتين بالنص ..الفرق بين الأب والأم زمان ودلوقتى

سلط برنامج "كلمتين بالنص"، الضوء على اختلاف صفات الأب والأم فى الوقت الحالى، عن صفات الأب والأم فى السابق.

وقالت المذيعة شيماء حافظ، مقدمة البرنامج مع الإعلامى محمد نشأت، المذاع عبر موجات الراديو 9090، اليوم الخميس، إن الأب فى فترة الأربعينيات كان الابن ينادى لأبيه بـ"يا والدى- يا حاج- حضرتك"، ومن يقول "يا بابا" كان يتعرض للتعنيف.

وأضاف نشأت أن "الأب زمان لما كان يرجع من الشغل كنت تحس إن فيه تنين داخل البيت، ماينفعش كائن حى يتحرك قدامه فى البيت أبدا. الشاب من دول طول ما أبوه موجود فى البيت كان يبقى عنده تصلب فى أنسجة الحركة".

وتابعت شيماء "الأم بردو ماكنش حد يقدر يقولها يا ماما كده عادى.. لازم يقولها يا نينة.. يا ست الكل.. يا حاجة. دى بقى لو غلطت قدامها كانت تقلع الشبشب وتحدفك بيه.. والشبشب زمان ماكنش أى شبشب.. ده كان بيتتبع حرارة الجسم زى الصاروخ.. يعنى هيلبس فيك هيلبس فيك".