El Radio 9090 FM
#
فى حال بلدنا .. مساعد وزير الإنتاج الحربى تكشف محاور التطوير بالوزارة

فى حال بلدنا .. مساعد وزير الإنتاج الحربى تكشف محاور التطوير بالوزارة

حلت المهندسة دينا عبد المنعم، مساعد وزير الإنتاج الحربى للتطوير والمتابعة، ضيفة على برنامج "حال بلدنا" مع الإعلامى أحمد خيرى على الراديو 9090، فى أول ظهور إعلامى لها.

وأوضحت دينا أنه فى السنوات الأخيرة كانت هناك عمليات تغيير داخل وزارة الإنتاج الحربى، وتم العمل على عدة محاور للتطوير، وبدأنا بالتطوير الفكرى عن طريق تقديم دورات تدريبية للجميع "سيدات ورجال ومهندسين وفنيين"، مضيفا: "البلد كلها دلوقتى بتتغير، فبالتالى إحنا لازم نواكب اللى بيحصل ده".

وقالت دينا: "فى الفترة الأخيرة تم تدريب حوالى 10 آلاف متدرب فى جميع المجالات مثل المدير المعتمد، ودورات إعداد القيادات، وغيرها من الدورات المهمة".

وأضافت: "منذ حوالى 4 سنوات، تم إرسال 25 شخصا إلى الصين، للتدريب على قيادة التغيير، وكلهم رغم أن أعمارهم مش كبيرة بس هم دلوقتى بقوا قيادات فى شركات، وتحقق من ذلك أكثر من محور منها تمكين الشباب وتمكين المرأة، وتمكين بتأهيل، وأصبحوا قيادات فى أماكنهم الجديدة لأنهم جديرين بمناصبهم".

وأكدت المهندسة دينا عبد المنعم، مساعد وزير الإنتاج الحربى للتطوير والمتابعة، أن توليها هذا المنصب يعتبر مسؤولية كبيرة، تجاه الوزارة وتجاه مصر. 

دينا عبد المنعم وفى أول ظهور إعلامى لها، حلت ضيفة على برنامج "حال بلدنا" مع الإعلامى أحمد خيرى على الراديو 9090، وقالت: "الوقت اللى إحنا فيه دلوقتى لو ما شتغلناش هانشتغل إمتى؟".

 

دينا عبد المنعم

وعن كونها امرأة داخل وزارة أغلبها رجال، قالت: "الكل داخل الوزارة منضبط بغض النظر عن هو راجل أو ست، وبالتالى كلنا ماشيين على نفس القواعد، والكفاءات هى اللى بتحكم، وإحنا نسبتنا مش قليلة كمساعدات للوزير، إحنا اتنين مساعدات للوزير ومساعد راجل، واللى بيحصل فى الوزراة ده تطبيق للبلد، وموضوع الاعتماد على المرأة مش موضوع شكلى ومش كوتة لا الموضوع بيعتمد على الكفاءات".