El Radio 9090 FM
#
وسط إجراءات احترازية .. صابرين فى الراديو بيضحك : إحنا فى حالة طوارئ

وسط إجراءات احترازية .. صابرين فى الراديو بيضحك : إحنا فى حالة طوارئ

أكدت الفنانة صابرين أنها تتخذ جميع الإجراءات والتدابير الوقائية، بعد انتشار فيروس كورونا.

وقالت صابرين التى حلت مساء اليوم، ضيفة على برنامج "الراديو بيضحك"، مع الإعلامية فاطمة مصطفى فى الراديو 9090: "الحياة هاتمشى هاتمشى، ولازم نكون على قد الابتلاء، وبناخد كل الإجراءات لما ننزل، وبنعمل كل اللى علينا، ولازم نفضل فايقين لأن إحنا فى حالة طوارئ لأن الموضوع بجد مرعب، لكن لو خدنا بالنا هايبقى سهل جدا، ولازم يكون فيه وعى للحالة اللى إحنا فيها".

وأضافت: "ملحقناش نفرح بأعمالنا فى رمضان، والجو كان مختلف وإحنا بنشتغل كلنا كنا خايفين على بعض".

وقالت صابرين إنها تفضل وضع بصمتها على الشخصية التى تقدمها فى أى عمل تشارك فيه، موضحة أنها تكن كل الاحترام لمصمم أزياء أو الاستايلست الخاص بالعمل الفنى، ولكنها تختار بنفسها ملابس الشخصيات التى تجسدها.

وأضافت أنها من المدرسة التى تفضل شخصية العمل على نجومية الفنان، موضحة: "آه طبعا لازم أطلع بشكل كويس، لكن فى الآخر لازم أحب الشخصية أكتر وأخليها تطلع بشكل مناسب".