El Radio 9090 FM
#
إيمان السيد تكشف لـ فاطمة مصطفى كواليس مسلسل اللى مالوش كبير

إيمان السيد تكشف لـ فاطمة مصطفى كواليس مسلسل اللى مالوش كبير

عبرت الفنانة الكوميدية إيمان السيد عن سعادتها بالعمل مع الفنانة ياسمين عبد العزيز فى مسلسل "اللى مالوش كبير".

وكشفت إيمان خلال حوارها مع الإعلامية فاطمة مصطفى، ببرنامج "الراديو بيضحك" المذاع على الراديو 9090، اليوم الخميس، بعض كواليس المسلسل، قائلة: "الكواليس كلها كانت ضحك، وأحمد العوضى ممثل مجتهد جدا، وكان اكتشاف بالنسبة لى على المستوى الإنسانى".

وتحدثت إيمان عن مشهد زفاف العوضى وياسمين فى المسلسل قائلة: "كان إحساسنا فى الفرح أنه حقيقى وكنا مبسوطين ليهم وكأنه فرحهم بجد لأن الجمهور ماشفش ليهم فرح فكلنا كنا فرحانين علشانهم".

وكشفت الفنانة إيمان السيد تفاصيل جديدة عن مشاركتها مع الزعيم عادل إمام فى فيلم "زهايمر".

وقالت إيمان: "أول ما عرفت أن أستاذ عادل إمام هو اللى اختارنى للشخصية ماتكلمتش فى أى حاجة، بس أنا من النوع ومن أول ما اشتغلت لازم اقول أقرا السيناريو الأول، وبعد ما قريت قلتلهم أنا عايزة أطلب منكم طلب، بوس مابتباسش وعريان مابلبسش".

وأضافت: "أستاذ عادل إمام كان بيقولى دايما يا شربات وفى أول بروفة قالى إنت بتضحكينى، ويوم المشهد اللى بيبوسنى فيه فى خدى قالى أنا زى بابا والناس بتسلم على بعض كده، فوافقت وعملنا المشهد، وأحمد رزق قالى إن الأستاذ احترم طلبك جدا".

 

 

%MCEPASTEBIN%