El Radio 9090 FM
#
لقاء الفنان عزيز الشافعى على الراديو 9090

لقاء الفنان عزيز الشافعى على الراديو 9090

حل الفنان عزيز الشافعى ضيفا على برنامج "الراديو بيضحك" مع الإعلامية فاطمة مصطفى، اليوم الخميس، على الراديو 9090.

وكشف الشافعى خلال الحلقة عن الأعمال التى قدمها خلال موسم صيف 2021، والبداية كانت بأغنية "الساعة 2 بليل" مع سميرة سعيد، وبعدها قدم "لو سمحتم" مع هانى شاكر، وبعدها "صعبة" لتامر حسنى، و"نجمة معدية" مع فريق "واما"، و"دبلوماسى" مع بلقيس، و"الأستاذ" مع لطيفة، و"زيها مين" مع حماقى، و"النار القايدة" لرامى عاشور، و"بيحرك فى المشاعر" لرامى صبرى، "ويلا نرقص" لأنغام، و"حتة تانية "لروبى، و"والله ما ينفع" مع مصطفى حجاج".

وأكد عزيز أنه احتفل هذا العام بمرور 18 عاما على أول أغنية قدمها فى مشواره الفنى، وهى "بلاش الملامة" لخالد سليم، مضيفا: "آخر 3 سنين كان فيه كرم من ربنا، وكل سيزون بيبقى فيه أغنيات ناجحة ومسمعة مع الناس، ومفيش حد مابيخفش من الحسد والنفسنة، واللى مابيفرحليش ربنا يكفينى شره".

وأضاف: "بقالنا فترة بنعانى من أزمة إنتاجية، وذوق الناس بقى مختلف وبقوا يروحوا لنوع موسيقى مختلف فيها تدنى فى الألفاظ والمحتوى وده بيأثر على الشباب، وبيخلى شكل مصر من ناحية الموسيقى يبقى الشكل اللى إحنا عايزينه".

برنامج "الراديو بيضحك" يذاع كل خميس من الساعة 4 وحتى السادسة مساء.